Spænskur kjúklingur

Spænskur kjúklingur
 
Kjúklingur er ávallt vinsæll og gott að grípa í og auðvelt að útbúa allskyns dásemdarrétti með örlitlu hugmyndaflugi.  Hér er einn réttur sem mér finnst alltaf góður með helling af grænmeti og þurrristuðum kashewhnetum sáldruðum yfir.
 
Innihald:

  • 1 msk kókosolíu
  • 1 msk ólífuolía
  • 1-2 hvítlauksrif – pressuð
  • 100gr skallottulaukar
  • ½ bolli saxaðir sveppir
  • 1 sellerístilkur – saxaður
  • 4 kjúklingabringur – skornar í litla bita
  • 2 lúkur spínat
  • 1 dós niðursoðnir tómatar
  • ½ – 1 tsk cumin
  • ½ – 1 tsk kóríanderduft
  • 2 tsk mexíkókrydd
  • 2 tsk chilliflögur S
  • alt & pipar
  • 1 lúka kashewhnetur – saxaðar og þurristaðar – sáldraðar yfir áður en borið er fram

 
Aðferð:

  1. Hitið upp kókosolíuna á stórri pönnu.
  2. Bætið við hvítlauk, lauk, sveppum og sellerí og blandið vel saman í u.þ.b. 5 mínútur eða þar til laukurinn er orðinn glær.
  3. Bætið við kjúkling á pönnuna og eldið í u.þ.b. 8 mín.
  4. Bætið við spínati, tómötum og kryddunum.
  5. Eldið í 2-3 mínútur í viðbót.
  6. Setjið í eldfast mót og bakið í 180 gr heitum ofni í um 30 mínútur.
  7. Kashewhnetum dreift yfir áður en borið er fram.

 
Dæmi um meðlæti: brún hrísgrjón og hrúga af grænu salati.
 
Heilsukveðja frá Rotterdam,
Njótið!

Ásthildur Björns

Leave a Reply