Eplabökugrautur

Eplaböku grautur mmm

 
Það hefur alveg komið fram áður að ég er gríðarlega hrifin af epla & kanil tvennunni.  Þegar við bætist möndlumjólk og ég tala nú ekki um möndlusmjör þá er þetta orðið frábærlega gott.  Hér er einn góður grautur sem ég útbý mér ávallt í þessari gömlu jólaskál sem notuð er allan ársins hring.

 
Innihald:

  • ½ bolli möndlumjólk
  • 2 msk chiafræ
  • 2 msk möndlusmjör (líka hægt að nota hnetusmjör)
  • 3 döðlur, gróft skornar
  • ¼ tsk múskat
  • ¼ tsk engiferkrydd
  • ½ – 1 tsk kanill
  • 1 epli – skrælt og kjarninn fjarlægður
  • ½ lúka gróft skornar pekanhnetur
  • ½ – 1 tsk kókospálmasykur til að hafa sætara ef vill.

 
Aðferð:

  1. Allt sett í blender nema pekanhneturnar og blandað þannig að verði silkimjúkt.
  2. Blöndunni hellt yfir í pott og hitað upp þar til heitt.
  3. Sett í skál og pekanhnetunum sáldrað yfir og jafnvel skreytt með smátt skornum eplabitum.

 
Njótið!

Heilsukveðja frá Rotterdam,
Ásthildur Björns

Leave a Reply