Djúsí súkkulaðikaka

Djúsí súkkulaðikaka mmm

 

Eiginmaðurinn fékk þessa voðalegu löngun í köku og það í súkkulaðiköku þannig að mín skellti í þessa glútenlausu dásemd. Kakan er voðalega bragðgóð samdægurs en einnig mjög ljúffeng daginn eftir – þ.e.a.s. ef það verður þá afgangur :)

 
Súkkulaðikökubotninn:

  • ¼ bolli raw cacaoduft
  • ¼ bolli kókoshveiti
  • 1 ½ tsk vínsteinslyftiduft
  • ½ tsk kanill
  • Hnífsoddur af sjávarsalti
  • 4 egg
  • ¼ bolli lífrænt hunang
  • 1 tsk vanilludropar
  • ¼ bolli kókosolía – brædd

 
Kremið:

  • ¾ bolli dökkt gæða maple sýróp
  • ¾ raw cacaoduft
  • 1/3 bolli gæða kókosolía – brædd
  • 1/8 tsk sjávarsalt

 

Aðferð – kremið: 

  • Allt sett í blender og blandað vel saman. Gætir þurft að stoppa við og við og ýta niður í hliðunum.

 
Aðferð – botninn:

  • Stillið ofninn á 160°
  • Blandið saman þurrefnunum í skál. (Hægt að nota hrærivél eða handþeytara).
  • Bætið við eggjunum, hunanginu, vanilludropunum og kókosolíunni.
  • Blandið öllu vel saman þar til orðið kekkjalaust.
  • Setjið í kökuform sem hefur verið smurt lítillega að innan t.d. með kókosolíu. Ég notaði kringlótt springform (24cm að þvermáli) – gekk alveg en kakan var í þynnri kantinum sem okkur fannst reyndar alveg í lagi. Líka hægt að nota minni form og þá verður kakan líka þykkari.
  • Bakað í um 30 mín. – Fer alveg eftir stærð formsins – fylgstu vel með og prófaðu að stinga t.d. með tannstöngli í kökuna og sjáðu hvort að það komi eitthvað á stöngulinn – ef það kemur ekkert þá er kakan tilbúin.
  • Kakan er látin kólna áður en hún er losuð úr springforminu, annars gæti hún molnað.
  • Kreminu smurt á og jafnvel skreytt með kókosmjöli og jarðarberjum. Er líka örugglega mjög gott að vera með þeyttan rjóma og jafnvel vanilluís.

 

Njótið!

Kveðja frá Rotterdam,

Ásthildur Björns

Leave a Reply